శ్రీకృష్ణ పరబ్రహ్మణే నమః 🙏
శ్రీమద్భగవద్గీతా | తృతీయోధ్యాయః | కర్మయోగః
(అర్జున ఉవాచ)
ఙ్యాయసీ చేత్ కర్మణస్తే మతా బుద్ధిర్జనార్ధన ।
తత్ కిం కర్మణి ఘోరే మాం నియోజయసి కేశవ ॥ ౩.౧
వ్యామిశ్రేణేవ వాక్యేన బుద్ధిం మోహయ సీవ మే ।
తదేకం వద నిశ్చిత్య యేన శ్రేయోఽహ మాప్నుయామ్ ॥ ౩.౨
(శ్రీభగవానువాచ)
లోకీఽస్మిన్ ద్వివిధా నిష్ఠా పురా ప్రోక్తా మయాఽనఘ ।
ఙ్ఞాణయోగేన సాంఖ్యానాం కర్మయోగేన యోగినామ్ ॥ ౩.౩
న కర్మణాం అనారంభాత్ నైష్కర్మ్యం పురుషోఽశ్నుతే ।
న చ సంన్యాసనాదేవ సిద్ధిం సమధిగచ్ఛతి ॥ ౩.౪
న హి కశ్చిత్ క్షణమపి జాతు తిష్ఠత్య కర్మకృత్ ।
కార్యతే హ్యవశః కర్మ సర్వః ప్రకృతిజై ర్గుణైః ॥ ౩.౫
కర్మేంద్రియాణి సంయమ్య య ఆస్తే మనసా స్మరన్ ।
ఇంద్రియార్థాన్ విమూఢాత్మా మిథ్యాచారః సః ఉచ్యతే ॥ ౩.౬
యస్త్వింద్రియాణి మనసా నియమ్యారభతేఽర్జున ।
కర్మేంద్రియైః కర్మయోగం అసక్తః సః విశిష్యతే ॥ ౩.౭
నియతం కురు కర్మ త్వం కర్మ జ్యాయో హ్యకర్మణః ।
శరీర యాత్రాపి చ తే న ప్రసిద్ధ్యేత్ అకర్మణః ॥ ౩.౮
యఙ్ణార్థాత్ కర్మణోఽన్యత్ర లోకోఽయం కర్మబంధనః ।
తదర్థం కర్మ కౌన్తేయ ముక్తసంగః సమాచర ॥ ౩.౯
సహ యఙ్ఞాః ప్రజాః సృష్ట్వా పురోవాచ ప్రజాపతిః ।
అనేన ప్రసవిష్యధ్వం ఏషవోస్త్విష్ట కామధుక్ ॥ ౩.౧౦
దేవాన్ భావయతానేన తే దేవా భావయంతు వః ।
పరస్పరం భావయంతః శ్రేయః పరమవాప్స్యథ ॥ ౩.౧౧
ఇష్టాన్ భోగాన్‌ హి వో దేవాః దాస్యంతే యఙ్ఙ భావితాః ।
తైర్దత్తాన ప్రదాయైభ్యః యో భుంక్తే స్తేన ఏవ సః ॥ ౩.౧౨
యఙ్ఞ శిష్టాశినః సంతః ముచ్యంతే సర్వకిల్బిషైః ।
భుంజతే తే త్వఘం పాపాః యే పచన్త్యాత్మకారణాత్ ॥ ౩.౧౩
అన్నాత్ భవన్తి భూతాని పర్జన్యాత్ అన్నసంభవః ।
యఙ్ఞాత్ భవతి పర్జన్యః యఙ్ఞః కర్మ సముద్భవః ॥ ౩.౧౪
కర్మ బ్రహ్మోద్భవం విద్ధి బ్రహ్మాక్షర సముద్భవమ్ ।
తస్మాత్ సర్వగతం బ్రహ్మ నిత్యం యఙ్ఞే ప్రతిష్ఠితమ్ ॥ ౩.౧౫
ఏవం ప్రవర్తితం చక్రం నానువర్తయతీహ యః ।
అఘాయు రింద్రియా రామః మోఘం పార్థ స జీవతి ॥ ౩.౧౬
యస్త్వాత్మరతిరేవ స్యాత్ ఆత్మ తృప్తశ్చ మానవః ।
ఆత్మన్యేవ చ సంతుష్టః తస్య కార్యం న విద్యతే ॥ ౩.౧౭
నైవ తస్య కృతేనార్థః నాకృతేనేహ కశ్చన ।
న చాస్య సర్వభూతేషు కశ్చిత్ అర్థవ్యపాశ్రయః ॥ ౩.౧౮
తస్మాత్ అసక్తః సతతం కార్యం కర్మ సమాచర ।
అసక్తో హ్యాచరన్ కర్మ పరమాప్నోతి పూరుషః ॥ ౩.౧౯
కర్మణైవ హి సంసిద్ధిమ్ ఆస్థితా జనకాదయః ।
లోక సంగ్రహమేవాపి సంపశ్యన్ కర్తుమర్హసి ॥ ౩.౨౦
యద్యదాచరతి శ్రేష్ఠః తత్తదేవేతరో జనః ।
స యత్ప్రమాణం కురుతే లోకస్తదనువర్తతే ॥ ౩.౨౧
న మే పార్థాఽస్తి కర్తవ్యం త్రిషు లోకేషు కించన ।
నానవాప్తమవాప్తవ్యం వర్త ఏవ చ కర్మణి ॥ ౩.౨౨
యది హ్యహం న వర్తేయం జాతు కర్మణ్యతంద్రితః ।
మమ వర్త్మానువర్తన్తే మనుష్యాః పార్థ సర్వశః ॥ ౩.౨౩
ఉత్సీదేయురిమే లోకాః న కుర్యాం కర్మ చేదహం ।
సంకరస్య చ కర్తా స్యామ్ ఉపహన్యామిమాః ప్రజాః ॥ ౩.౨౪
సక్తాః కర్మణ్యవిద్వాంసః యథా కుర్వన్తి భారత ।
కుర్యాత్ విద్వాంస్తథాసక్తః చికీర్షుర్లోకసంగ్రహమ్ ॥ ౩.౨౫
న బుద్ధిభేదం జనయేత్ అఙ్ఞానాం కర్మ సఙ్గినామ్ ।
జోషయేత్ సర్వకర్మాణి విద్వాన్ యుక్తః సమాచరన్ ॥ ౩.౨౬
ప్రకృతేః క్రియమాణాని గుణైః కర్మాణి సర్వశః ।
అహంకారవిమూఢాత్మా కర్తాఽహమితి మన్యతే ॥ ౩.౨౭
తత్వవిత్తు మహాబాహో గుణకర్మవిభాగయోః ।
గుణా గుణేషు వర్తంతే ఇతి మత్వా న సజ్జతే ॥ ౩.౨౮
ప్రకృతేర్గుణసమ్మూఢాః సజ్జంతే గుణకర్మసు ।
తానకృత్స్నవిదో మందాన్ కృత్స్నవిన్న విచాలయేత్‌ ॥ ౩.౨౯
మయి సర్వాణి కర్మాణి సన్న్యస్యాధ్యాత్మచేతసా ।
నిరాశీర్నిర్మమో భూత్వా యుధ్యస్వ విగతజ్వరః ॥ ౩.౩౦
యే మే మతమిదం నిత్యమ్ అనుతిష్ఠంతి మానవాః ।
శ్రద్ధావంతోఽనసూయంతః ముచ్యంతే తేఽపి కర్మభిః ॥ ౩.౩౧
యేత్వేతత్ అభ్యసూయన్తః నానుతిష్ఠంతి మే మతమ్ ।
సర్వఙ్ఞానవిమూఢాంస్తాన్ విద్ధి నష్టానచేతసః ॥ ౩.౩౨
సదృశం చేష్టతే స్వస్యాః ప్రకృతేః ఙ్ఞానవానపి ।
ప్రకృతిం యాంతి భూతాని నిగ్రహః కిం కరిష్యతి ॥ ౩.౩౩
ఇంద్రియస్యేంద్రియస్యార్థే రాగద్వేషౌ వ్యవస్థితౌ ।
తయోర్న వశమాగచ్ఛేత్ తౌ హ్యస్య పరిపన్ధినౌ ॥ ౩.౩౪
శ్రేయాన్ స్వధర్మో విగుణః పరధర్మాత్ స్వనుష్ఠితాత్ ।
స్వధర్మే నిధనం శ్రేయః పరధర్మో భయావహః ॥ ౩.౩౫
(అర్జున ఉవాచ)
అథ కేన ప్రయుక్తోఽయం పాపం చరతి పూరుషః ।
అనిచ్ఛన్నపి వార్ష్ణేయ బలాదివ నియోజితః ॥ ౩.౩౬
(శ్రీభగవానువాచ)
కామ ఏషః క్రోధ ఏషః రజోగుణసముద్భవః ।
మహాశనో మహాపాప్మా విద్ధ్యేనమిహ వైరిణమ్ ॥ ౩.౩౭
ధూమేనావ్రియతే వహ్నిః యథాఽదర్శో మలేన చ ।
యథోల్బేనావృతో గర్భః తథా తేనేదమావృతమ్ ॥ ౩.౩౮
ఆవృతం ఙ్ఞానమేతేన ఙ్ఞానినో నిత్యవైరిణా ।
కామరూపేణ కౌన్తేయ దుష్పూరేణానలేన చ॥ ౩.౩౯
ఇంద్రియాణి మనోబుద్ధిః అస్యాధిష్ఠానముచ్యతే ।
ఏతైర్విమోహయత్యేషః ఙ్ఞానమావృత్య దేహినమ్ ॥ ౩.౪౦
తస్మాత్ త్వమింద్రియాణ్యాదౌ నియమ్య భరతర్షభ ।
పాప్మానం ప్రజహి హ్యేనం ఙ్ఞానవిఙ్ఞాననాశనమ్ ॥ ౩.౪౧
ఇంద్రియాణి పరాణ్యాహుః ఇంద్రియేభ్యః పరం మనః ।
మనసస్తు పరా బుద్ధిః యో బుద్ధేః పరతస్తు సః ॥ ౩.౪౨
ఏవం బుద్ధేః పరం బుద్ధ్వా సంస్తభ్యాత్మానమాత్మనా ।
జహి శత్రుం మహాబాహో కామరూపం దురాసదమ్ ॥ ౩.౪౩
ఇతి శ్రీమద్భగవద్గీతాసు ఉపనిషత్సు బ్రహ్మవిద్యాయాం యోగశాస్త్రే శ్రీకృష్ణార్జున సంవాదే కర్మయోగోనామ తృతీయోధ్యాయః
————-*********————-